أقول بـســم الله والـفـكــر يـمـلـيـن                    ‍
                    واكتب بيوت الشعر وان جاء مجاله
واتـوجــه بـاحـلـى ســـلام المحـبـيـن                    ‍
                    لـلـي سـعـوا بالخـيـر تـحـمـد فـعـالـه
حلـو الكـلام اللـي تجـي لـه براهيـن                    ‍
                    وحلو  ارتياح النفـس عقـب انشغالـه
طـارٍ  طـرى يسـوى كثـيـر الملايـيـن                    ‍
                    يـوم  ابـو صـالـح خطـطـه وارتكـالـه
نـاصـر نــوى لــه نـيـةٍ فالـهـا زيـــن                    ‍
                    ونـيـاتـه الـحـسـنـى تـحـقــق فـعـالــه
يــوم ابتدأ شــاور رجــالٍ كريمـيـن                    ‍
                    وتـعـاونـوا كـــلٍ عـلــى قــــد حــالــه
تعـاونـوا بــه مــن قـريـب وبعيـديـن                    ‍
                    كـل خـذى قصـد مــن الحـمـل شـالـه
نياتـهـم للخـيـر وهــم فعـلـهـم زيـــن                    ‍
                    والـلـي عـقــد عـقــدٍ يـوّثــق حـبـالـه
الطيـب يوصـف بـه رجـالٍ كريمـيـن                    ‍
                    وإلا الـــردى الـلــي يـشــح بـحـلالــه
تحمد فعول أهل الوفـى والشريفيـن                    ‍
                    وكــم واحــدٍ يـفـنـى وتـبـقـى فـعـالـه
مشّو لهـم خـطٍ علـى القسـي والليـن                    ‍
                    وتسـمـحـت كـــل الـديــار  بـوصـالــه
يالله عسـى تحسـب لهـم بالمـوازيـن                    ‍
                    تـجـري صـدقـةٍ مـــن فعـلـهـا يـنـالـه
مـواقــفٍ تـعــرف ولاخـافــي شـيــن                    ‍
                    والـنــور  بالظـلـمى يـبـيـن اشـتـعـالـه
الخـط لأجيال تجـي عـقـب هالحـيـن                    ‍
                    والـفـايــدة عــمـــت وكـــــلٍ يـنــالــه
اللـي بغـرب المملـكـة مـعـه ماشـيـن                    ‍
                    لـلـشـرق سـهّــل دربــهــم بكـتـمـالـه
مـن شرقـي الشملـي ورمـان لافـيـن                    ‍
                    ومــن الحليـفـة والـرقـب والـغـزالـه
على الوسيطاء خطهم نصوا ناصين                    ‍
                    لـــدرب الوهيـبـيـة يـســر اعـتـدالــه
بجـوار غسـل شرّقـوا دربـهـم زيــن                    ‍
                    وطبـوا بـوادي الـدوح حبشـي قبالـه
وردوا سـمـيـرا للقـصـيـم متنـصـيـن                    ‍
                    مـن دوّر الخـط السـريـع التـقـى لــه
وصــلاة مـنـي عـــد ورد البسـاتـيـن                    ‍
                    عــلــى نــبــيٍ شــرفـــه بـالـرسـالــه